BRIBODURUM

BRIBODURUM

Aethicus inter Condate et Beleam Bribodorum ponit, alias Bridoborum vel Briodorum in priscis codicibus scriptum, a Condate (Cosne sur Loire) 16. a Belea milibus passuum 15. distans. In tabula Theodosiana vel Peutingeriana Brivodurum dicitur, et inter Beleam ac Massavam ponitur. Vulgo Briare nuncupant Nostri: et a briva i. e. ponte quem habet ad Ligerim, Brivodurum vel Bribodorum dictum olim a Gallis videtur, ac Bridobori nomen esse corruptum. Brioderus nuncupatur in Historia Episcoporum Autissiodorensium. Beleam quidem quaedam Aethici exemplaria inter Nevernum et Condate, alia inter Bribodorum et Canabum seu Genaum collocant, ut Simlerus affirmat. Et Brivodurum quidem vel Bribodorum, alias Brioderus est in finibus Senonum, five in Autissiodorensi dioecesi: At alterum Brioderum, in Biturigibus ponir Monachus Cluniacensis

in l. 1. Miraculorum S. Maioli c. 13. his verbis: Briodetensis dicitur vicus in pago Biturico. Hunc locum Nostri Bridiers appellant, Vicecomitatus titulô illustrem in Marchia.